28/09:  Bangkok

Wat ‘n fees om terug te wees in Bankok!  Dit voel omtrent soos ‘n 1ste wêreldse land na Nepal.

Aangesien ons die publieke vervoer sisteem teen die tyd goed onder die knie het is ons op die local bus Khoi San Road toe.  Ons kom maar redelik laat daar aan, maar ons het reeds ‘n kamer geboek in dieselfde hotel as voorheen, so daar is geen gerondsoek na blyplek nie.  Na ‘n stortjie is ons die strate in vir lekker Khoi San Road straat kos!!  Absoluut heerlik!

29/09:  Bangkok

Die oggend is ons vroegerig uit die vere:  heelwat om te doen!  Nicol het ‘n kamera bestel en ons wou ons’n ingee vir ‘n diens.  Ongelukkig kan dit nie in 2 weke gebeur nie, so dit wag nou maar vir SA.

Van daar is ons na die berugte MBK… vir tailor made jeans en ‘n paar ander goedjies.